Nuwe Lidmate
Berg-en-Dal verwelkom graag belangstellendes wat by die gemeente wil inskakel.
Om nuwe lidmate so gou moontlik by Berg-en-Dal in te skakel en te laat tuis voel, benodig ons u besonderhede. Ons wil u ook graag volgens u gawes en belangstellings by die bedieninge van die gemeente betrek.
Lidmate word op grond van woonadres by ‘n wyk ingedeel. Die wyksouderling behoort so gou moontlik met u te skakel en u deel te maak van die wyk se Whatsapp-groep. Erediensinligting (Fokus en YouTube-erediensskakel) word weekliks via Whatsapp gedeel.
Elke Sondag is daar tee en koffie in die binnehof en alle lidmate, veral nuwe lidmate, word hartlik uitgenooi om in die samesyn te deel.
Die Berg-en-Dal Almanak 2024 is by die kerkkantoor beskikbaar.
Lees meer oor die beskerming van persoonlike inligting in die Handleiding: Wet op Beskerming van Persoonlike Inligting 4 van 2013.
Handleiding: Wet op Beskerming van Persoonlike Inligting 4 van 2013
Nuwe intrekkers:
Laai die volgende dokumente af, voltooi dit en besorg dit aan die kerkkantoor:
Lidmaatbesonderhede en POPIA-toestemmingsbrief om te voltooi:
Vorm vir gawes en belangstellings van nuwe lidmaat om te voltooi:
Vir meer inligting oor dankoffers en ‘n debietordervorm:
Wyke
Wyke sorg vir
- onderlinge omgee en sorg vir wykslede
- tee en toebroodjies ná begrafnisdiens van wykslidmate
- hulp met gemeente-etes indien nodig
- diensbeurte – een maand per jaar – sien Almanak 2024:
- teeskink ná kerk
- teeskink by kerkraadsvergadering
- erediensblomme
- voedsel vir Bloemshelter op ‘n Vrydag
Die ouderling, diaken of wyksleidster sal die nodige reëlings met wykslede tref.
Om vas te stel by watter wyk u inskakel, wie die betrokke ouderling, diaken of wyksleidster is, kyk by Wyksindeling, Kerkraad en Bediening in wyke.
Erediens- en ander inligting word per Whatsapp aan wyke gekommunikeer. Maak seker dat u deel van die wyk se Whatsapp-groep is.
Wyksbyeenkoms – een maal per kwartaal – Sondag voor Nagmaal. Die ouderling sal reëlings tref vir die wyksbyeenkoms aan huis van ‘n wykslid.
Versorging
Die leraars en ouderlinge wil graag lidmate pastoraal bystaan en bemoedig. Indien daar ‘n behoefte aan ondersteuning of pastorale gesprek is, kontak hulle gerus vir ‘n afspraak by die kerk of om u tuis te besoek.
Ds. Johan Marais neem leiding in ons pastorale versorging van lidmate (0845178052). Ons gaan in kleingroepe, wyksverband, by aftree-oorde en na nuwe intrekkers veral, uitreik – ‘n uitnodiging kom na jou!
Wyke 1 – 10
Ds. Jan Lubbe – 0827849362
Wyke 11-20
Ds. Johan Marais – 0845178052
Kinders/Jeug
Ds. Janke Hurter – 0788949166
Elke wyk word (sover moontlik) deur ‘n ouderling, diaken en wyksleidster bedien. Om uit te vind met wie om te skakel, raadpleeg die wyksinligting by Bediening in Wyke.
Vir inskakeling van nuwe lidmate – sien Nuwe Lidmate.
Seniorbediening kuiergeleenthede
Kuiergeleenthede met interessante onderwerpe vir senior lidmate (65+):
-Volgende kuiergeleentheid-
Woensdag 10 April 2024 – 09:30
Spreker:
Tema: “Waarom is 2024 vir ons so ‘n gedenkwaardige jaar? (en ‘n roeping…)”
-Vorige kuiergeleenthede-
Woensdag 13 Maart 2024 – 09:30 – Herfstee
Aangebied deur Komitee vir Vrouelidmate van Berg-en-Dal
Tema: Nostalgie
Siësta Aftree-oord
Berg-en-Dal is by die geestelike versorging van inwoners van Siësta Aftree-oord betrokke:
- Sondae: lidmate (inwoners van Siësta) word met Berg-en-Dal se kombi kerk toe vervoer vir die erediens
- Weeklikse Fokus word aan verswakte lidmate van Berg-en-Dal by Siësta besorg
- Maandelikse biduur – 11:00 elke tweede Donderdag van die maand – gelei deur een van Berg-en-Dal leraars
- Nagmaal: kwartaalliks aan inwoners en personeel van Siësta bedien (vir 2024: 10 Maart; 05 Mei; 04 Augustus; 24 November)
- Ouderling Claudine Engelbrecht en diaken Nelia Oosthuizen – verantwoordelik vir sorg en omgee aan Siësta as wyk
Siësta Aftreeoord val binne die (oorspronklike) geografiese grense van Berg-en-Dal.
Fokus na verswakte lidmate
Die weeklikse Fokusnuusbrief word op Vrydae aan verswakte senior lidmate van Berg-en-Dal besorg: tuis – waar nodig – asook aan nabygeleë aftree-oorde: Aliquando, Bewarea, Kiepersol, Noorderbloem, Serenicare, Serenitas, Sewe Damme en Siësta.
Eredienste
Kerkdiens - 09h30
Direkte uitsending van oggenderediens via YouTube.
Doop en Nagmaal - raadpleeg Almanak 2024 vir datums van sakramentsbediening.
Gesinsdiens - 09h30
Meer informele styl.
Hoofsaaklik gerig op gesinne met jong kinders, tot en met graad 4.
Junior Kategese (peuters, kleuters en Graad 1-4) - net ná die Gesinsdiens - 10:00-10:35.
Aanddiens - 18:00
-Gewone aanddiens
-Diens met spesifieke tema: Getuienis, Hoop en Heling
-Preek van die Leek
-Aktuele onderwerp met sprekers
-Jeugbediening
- Matriekdiens, Gr.7-diens, Afsluiting van Kategese
-Diens van Woord en Gebed - Taizé
-Pastorale Gesprek
-Paassangdiens saam met DRC Andrew Murray
-Hervormingsfees saam met GKSA Bfn-Noord
-Wyksbyeenkoms kwartaalliks
Raadpleeg Almanak 2024 vir besonderhede.
Sothodiens - 15h00
Aangebied deur teologiese student Steve Popane.
Diens van Woord en Gebed - Taizé - 18h00
Plek van stilte, gebed, musiek en Skriflesing.
God laat Hom vind in die stilte van ons gebed.
Enigiemand wat hunker na God, ongeag watter kerk, kulturele agtergrond of taalgroep, oud en jonk, is welkom.
Laaste Sondag van die maand - raadpleeg Almanak 2024 vir datums.
Uitsendings via YouTube
Liturgiese simbole, klede en kleure
Lees meer hieroor by Liturgiese klede en kleure.
Kategese
Kategetehoof/Jeugouderling
Rikus van Pletzen – 0834620122
Sekretaresse/Admin
Ds. Janke Hurter – 0798949166
Sondae net ná die Gesinsdiens
10:00-10:35
Werkboeke @ R65.00 – beskikbaar by die Kerkkantoor
Peuters en Kleuters
-Bybelverhale en eenvoudige aktiwiteite spesifiek op peuters en kleuters gerig
Graad 1 tot 4
-Leer ken die mooiste Bybelverhale oor die weg waarop God met sy mense gegaan het
Graad 5 en 6
-Leer ken die leefwêreld van die Bybel: die landskap, kultuur, feeste en betekenis daarvan vir ons lewe met God
Graad 7
-‘n Oorgangsjaar waarin dit wat tot hier geleer is, saamgevat word
-Graad 7’s word voorberei vir die nuwe groeifase in hul geestelike lewe
Kategete
-‘n Baie goeie span toegewyde kategete – sommige self ouers, ander entoesiastiese jong studente
-Whatsapp-groep tussen kategeet en ouers en/of katkisante vir elke jaargroep
-Vir navrae skakel met Rikus van Pletzen of ds. Janke Hurter
Junior Kategete
Peuters – Elsie Haasbroek – 0827474436 – Eden
Kleuters – Jacquelle Malan – 0796915914 – Kanaän
Graad 1 – Carla Greyling – 0613432826 – Mamre
Graad 2 – Reanda van Pletzen – 0729522750 – Bet-El
Graad 3 – Natasja Badenhorst – 0725996634 – Ebenaeser
Graad 3 – Zenda Maritz – 0763022723 – Bethlehem
Graad 4 – Mathilda Henning – 0833210570 – Betanië
Sondae net ná die Kerkdiens
10:40-11:20
Werkboeke @ R75.00 – beskikbaar by die Kerkkantoor
-Gaan dieper in op die Bybelboodskap:
- Gebod (Christelike lewenswyse)
- Gebed (Christelike spiritualiteit)
- Geloof (Christelike belydenis)
Graad 11
-Afrondingsjaar: waarin katkisante gehelp word om
- op hul doop te antwoord
- hul geloof te bely
- en om uitgestuur te word as getuies van Christus na elke akker van sy koninkryk op hul lewenspad verder
Kategete
Senior Kategete
Graad 5 – Carli van Staden – 0834060906 – Kanaän
Graad 5 – Pieter le Roux – 0829633832 – Mamre
Graad 6 – Mia Smith – 0636450714 – Bet-El
Graad 7 – Lalla du Plessis – 0827094376 – Berg Sinaï
Graad 8 – Sarahne Dreyer – 0729588877 – Ebenaeser
Graad 9 – Ds. Janke Hurter – 0788949166 – Betanië
Graad 10 – Ds. Jan Lubbe – 0827849362 – Konsistorie
Graad 11 – Ds. Johan Marais – 0845178052 – Jeugkamer
Belydenisaflegging
-Besonderhede oor voorbereiding van katkisante met die oog op belydenisaflegging word deur die leraar verantwoordelik vir die belydenisgroep gekommunikeer
-Belydeniskamp: 6-8 Julie 2024 (Stads- en Koshuisgroep)
-Afrondingsnaweek vir belydenisgroep: 4-5 Oktober 2024
-Belydenisaflegging: 26 Oktober 2024
Koshuiskategese - Huis Eie Haard (Sentraal)
-Woensdagaande 18:00
-Belydeniskamp: 6-8 Julie 2024 (Koshuis- en Stadsgroep)
-Afrondingsnaweek vir belydenisgroep: 4-5 Oktober 2024
-Belydenisaflegging: 26 Oktober 2024
Bybelstudie
19:00 Konsistorie en aanlyn – almal welkom
“’n Dankbare (Christelike) lewe” (Heidelbergse Kategismus)” – Studie oor die essensie van wat ons as Christene glo en die praktyk van ons lewe, na aanleiding van die Heidelbergse Kategismus (1563)
Om in te skakel, kontak ds. Jan Lubbe – 0827849362
19:00 Jeugkamer –
jongmense tussen 19 en 30 welkom
“Lighthouse“-Bybelstudie –
Ons gesels oor vrae en temas op jóu hart, in Bybelse lig
Om in te skakel, kontak ds. Janke Hurter – 0788949166
09:00 Konsistorie – almal welkom
“In Jesus se voetspore” – Bybelstudiereeks oor die lewe en leer van Jesus vanuit die Evangelies
Om in te skakel, kontak ds. Johan Marais – 0845178052
Doop
-Maandeliks op die eerste Sondag van die maand-
Skakel met een van die leraars asook die kerkkantoor om die nodige reëlings te tref.
Huweliksbevestiging
Vir die bevestiging van ‘n huwelik deur een van die leraars van Berg-en-Dal in die kerkgebou van Berg-en-Dal of elders, skakel met die betrokke leraar, asook met die kerkkantoor.
Vir die bevestiging van ‘n huwelik deur ‘n besoekende predikant in die kerkgebou van Berg-en-Dal, skakel met die kerkkantoor.
Inligting en kostes ten opsigte van dienste wat Berg-en-Dal tydens ‘n huweliksbevestiging kan bied, bv. orrelis, koster, klankversorging en lewendige uitsending, verskyn in die aansoekvorm vir huweliksbevestiging.
Voltooi die aansoekvorm vir huweliksbevestiging en besorg dit aan die kerkkantoor.
Huweliksbevestiging aansoekvorm om te voltooi:
Begrafnisse
Vir ‘n begrafnis: skakel met een van die leraars en daarna met die kerkkantoor.
Vind inligting oor vergoeding van dienste wat Berg-en-Dal tydens ‘n begrafnis kan lewer in die Begrafnisinligtingstuk.
Lees die inligtingstuk oor begrafnisse by Berg-en-Dal:
Gedenkmuur
Berg-en-Dal beskik oor ‘n gedenktuin met ingeboude enkelnisse (@ R1 500) en dubbelnisse (@ R2 300) vir die stoflike oorskot van geliefdes.
Skakel met die skriba by die kerkkantoor vir inligting oor die gedenkmuur.
Dankoffers en deurkollekte
Dankoffers
Maak gebruik van:
-Internetbetaling(eft)
-SnapScan-betaling
-Debietorderbetaling
Spesiale dankoffers
Vrouelidmate se Dankie-sê bydraes
Insameling in Februarie en Oktober.
Dankie-sê koeverte of internetbetaling(eft) na ABSA-rekening van Berg-en-Dal.
Merk inbetaling duidelik vir Vroue.
Eredienskollekte
Deurkollekte
Raadpleeg Almanak 2024 vir meer inligting.
Sien ook: NG Vrystaat Sinode Deurkollektes.
U kan 'n verdere bydrae vir 'n spesifieke begunstigde maak na Berg-en-Dal se bankrekening via:
-internetbetaling (eft)
-SnapScan-betaling.
Merk inbetaling duidelik vir instansie.
Bankbesonderhede
NG Kerk Berg-en-Dal
ABSA
Takkode: 632005
Tjekrekening: 470-580-011
Verwysing:
Naam of voorletters & van, asook doel van betaling, bv. dankoffer/kollekte/
kermisbydrae
Epos bewys van betaling na: finansies@bergendalkerk.co.za
SnapScan
Debietordervorm
Voltooi en onderteken die debietordervorm
Epos voltooide vorm na: finansies@bergendalkerk.co.za
Seisoene van die Liturgiese Kerkjaar
Advent
Seisoen waarin die koms van Christus na die wêreld gevier word
Vier Sondae voor Kersfees tot 6 Januarie
koningsblou en goud
adventskrans, adventskalender, Isaï-stomp
Berg-en-Dal
-Kanselkleed: koningsblou met stermotief
-Liturgiese band: koningsblou met Christusmonogram en stermotief
-Kerssangdiens tot Epifanie
-Aansteek van vier adventkerse
Epifanie
Seisoen waarin die verskyning van die Lig in die wêreld gedenk word
Vanaf eerste of tweede Sondag in Januarie tot met Aswoensdag
rooi en goud
ster van Bethlehem
Berg-en-Dal
-Kanselkleed: rooi met Alfa & Omega-motief
-Liturgiese band: maroen met Christusmonogram en Alfa & Omega-motief
-Eerste Sondag in skoolkwartaal in Januarie tot laaste Sondag vóór Aswoensdag
Lydenstyd
Seisoen waarin die lyding van Jesus Christus gedenk word
Vanaf Aswoensdag oor tydperk van veertig dae en ses Sondae tot die Donderdag vóór Goeie Vrydag
dieprooi of purper
palmtakke, kruis, doringkroon of spykers
Berg-en-Dal
-Kanselkleed: pers met doringkroonmotief
-Liturgiese band: pers met Christusmonogram en doringkroonmotief
-Vanaf eerste Sondag ná Aswoensdag tot Witte Donderdag met die Nagmaalsdiens
-Sewe lydenskerse brand op kandelaar, elke Sondag word ‘n volgende een uitgedoof
Goeie Vrydag
Dag ter herdenking van Jesus Christus se kruisiging, sterwe en begrafnis – dag van sobere eenvoud in liturgie en simbole, gestroop
dieprooi of purper
kruis, doringkroon of spykers
Berg-en-Dal
-Kanselkleed: pers met doringkroonmotief of geen kanselkleed
-Liturgiese band: pers met Christusmonogram en doringkroonmotief
-Sewe lydenskerse op kandelaar, laaste een in die middel word uitgedoof
Opstanding
Sondag waarop die opstanding van Christus gevier en oordink word
Paassondag
wit en goud
kruis, leë graf
Berg-en-Dal
-Kanselkleed: roomwit met kruis en ligsimbole
-Liturgiese band: wit met Christusmonogram en ligsimbole
-Paassondag
Pase
Seisoen waarin die opstanding van Christus gevier en oordink word
Vanaf Paassondag tot die eerste Sondag ná Hemelvaart (50 dae)
wit en goud
lig wat deurbreek
Berg-en-Dal
-Kanselkleed: roomwit met kruis en ligsimbole
-Liturgiese band: wit met Christusmonogram en ligsimbole
-Vanaf Paassondag tot die Sondag ná Hemelvaart
Pinkster
Seisoen waarin die uitstorting, Persoon en werk van die Heilige Gees gedenk word
Vanaf Pinkstersondag tot Drie-Eenheidsondag
rooi, wit en goud
‘n duif, vuurtonge
Berg-en-Dal
-Kanselkleed: roomwit met duifmotief
-Liturgiese band: rooi met Christusmonogram en duif/vlammotief
-Vanaf Pinkstersondag tot voor die eerste Sondag van die derde skoolkwartaal
Koninkrykstyd
Seisoen waarin ons die werk van die Drie-Enige God in die skepping, verlossing en heiligmaking in ons lewens gedenk
Vanaf Drie-Eenheidsondag tot en met Advent
groen
skippie met kruis
Berg-en-Dal
-Kanselkleed: groen met triskelemotief
-Liturgiese band: groen met Christusmonogram en triskelemotief
-Vanaf eerste Sondag van derde skoolkwartaal tot voor Sondag met Kerssangdiens/Advent
